KURENBEL.UCOZ.COM

Бауыржан Момышұлы телесериял

Barys — Thu, 05 Dec 2013 18:37:17 GMT

«Хабар» Агенттігінің идеясымен түсірілген даңқты қолбасшы, Кеңес одағының батыры Бауыржан Момышұлы туралы тарихи телефильмнің ресми трейлері шықты. Күні кеше ғана ғаламтор желісінде жарияланған бейнероликті мыңнан астам адам көріп үлгерді. Картина желтоқсан айының он жетісінен бастап «Хабар» арнасынан көрсетіледі деп жоспарлануда. Фильм «Хабар» Агенттігі мен белгілі режиссер Ақан Сатаевтың көрерменге тәуелсіздік күніне арнаған сыйы болмақ. Фильмнің бірінші маусымының сценарийін Тимур Жақсыбаев жазды. Оған Александр Бектің «Арпалыс» атты повесінің бірінші бөлімі негіз болған. Фильмде батальон командирі ретінде ұрысқа қосылған Бауыржан Момышұлының алғашқы шайқасы, оның майдандас достарының екіұдай көңіл-күйі, өзіне де, өзгеге де талапшыл командирдің жаужүрек мінезі туралы баяндалады. Басты рөл - М.Әуезов атындағы академиялық драма театрының актері Еркебұлан Дайыровқа бұйырды. Батырдың жары Жамалдың рөлін Әсел Сағатова, генерал Панфиловты Виктор Ашанин, летейнант Қасеновты Саят Есембаев сомдады. «Бұл кез-келгеннің басына қона бермейтін бақ қой, сол бақты бағалай білген абзал деп ойлаймын. Маған сенім артқан осы телефильмнің авторы - «Хабар» агенттігіне , Ақан ағаға рахмет айтқым келеді. Мен де осы кісілердің сенімдерін ақтап шығуға барынша тырыстым. Шынымды айтсам, осы жолы Баукеңнің шығармашылығына, мінезіне қатты ғашық болдым. Кімді ойнап жатқанымды білуім керек қой. Сондықтан, Баукеңді зерттеу барысында қазақта осындай азаматтың барына қуандым. Біз онымен мақтануымыз керек. Кейінгі біздің өскелең ұрпаққа үлкен тілегім, құлақтарына алтын сырға Бауыржанның кім екенін білсін, танысын. Негізі, Баукеңнің бойындағы тұнып тұрған батырлық әр қазақ жігітінің қанында бар. Сол жұрнақ бәрінде бар. Егер ол болмаса, осыншама ұлан-ғайыр жерді кезінде біздің жігіттер алып қалмас еді», - дейді басты рөлді сомдаушы актер Еркебұлан ДАЙЫРОВ. Телефильм 4 бөлімнен тұрады Өндіруші: «Хабар» Агенттігі, Sataifilm Продюсері әрі режиссері: Ақан Сатаев Қоюшы оператор: Хасан Қыдырәлиев Сценарий авторы: Тимур Жақсылықов Рөлдерде: Еркебұлан Дайыров, Виктор Ашанин, Әсел Сағатова, Саят Исембаев, Мақсат Сәбитов, Бақтияр Қожа Трейлердің сілтемесі

Датқасаз

Barys — Tue, 03 Dec 2013 17:33:15 GMT

ХІХ ғасырда Оңтүстік өңірде ел билеген, дарынды, парасатты, дінді берік ұстанған, халық қамын ойлаған қасиетті тұлға Батырбек датқа туралы баспасөз бетінде жиі-жиі жазылып жүр. Бұл кісінің жергілікті жерлерде үй салдырып, каналдар қаздырып, халықты отырықшылыққа бейімдеудегі еңбегі зор. Мешіт-медреселер салдыртып халықты, әсіресе, жас ұрпақты дінсізденуден аман сақтап қалудағы өлшеусіз еңбегі туралы абайтанушы, академик М.Мырзахметұлы, кардиолог-академик С.Жошыбаев, профессор Қ.Бөлеевтер деректер негізінде мақалалар жазды да.

Батырбек датқа ел билеген кемеңгер, данышпандығымен қоса, қасиет дарыған әулие кісі. Ұлы ақын Абайдың әкесі Құнанбай, Кіші жүздің байлары Мырқы, Нұрпейістермен Меккеге қажылыққа бірге барып, сол жақта бірігіп қаражат шығарып қонақүй салғызған екен. Өзінің туған мекені Бөкейтаудың етегінде де (Жуалы ауданы, Күреңбел ауылы) зәулім мешіт-медресе салғызып, дін жолын уағыздаған. Сол мешіт-медресені, тағы басқа өзге елді мекендердегі датқа салдырған мешіттерді 1928 жылы коммунист басшылар бұздырып тастапты. Бірақ, осы жұмысты басқарған, қатысқандардың екі-үшеуі жынданып өлсе, қалғандарынан ұрпақ қалмай, дүниеден қор болып өтті деседі ел. Батырбек датқаның өзі сол мешіт-медресенің жанында жерленген. Бұрын мешіт пен күмбез орны бұзылғаннан бері ашық жататын. Осыған алаңдаған халықтың өтінішін 2012 жылы Жуалы ауданына әкім болып келген Б.Құлекеев жерге тастамады. Бес айдың көлемінде халықтан жиналған қаражатқа Батырбек датқаның күмбезін тұрғызып, аудан орталығында ескерткішін орнатты. Қасиетті кісінің жатқан жеріне келіп түнеп, зиярат жасайтындар көп. Ұлы Отан соғысының ардагері Жұбай Байқонысов бірде басынан өткен бір әңгімесің айтып берген еді. «Соғыстан кейін үйленген болатынмын. Жұбайым екеуміз жұмыс істейміз, мен қаржы агентімін ауылда, әйелім колхозда қызылшашы. Үш баламыз тұрақтамай шетінеп кетті. Сөйтіп, қайғырып жүргенде, әйелім қасиетті кісі жатқан жерге жақын маңайда қызылша теріп жүріп, түс кезінде тынығып отырып, көзі ілініп кетеді. Сол кезде қасиетті кісі әйелімнің түсіне кіріп, «Шырағым, күйеуің екеуің мұңайып жүр екенсіңдер ғой, мынау қолымдағы сүйелді сүйші!» деп қолын ұсынады. Сол кезде әйелім қасиетті кісінің қолындағы сүйелін сүйіп тұрып, оянып кетеді. Содан кейін туған балаларымыз, яғни 8 ұл-қызымыз дін аман» деген еді немере-шөберелер көріп отырған майдангер ағамыз. Айта берсең мұндай оқиғалар көп. Еңбек ардагері Талап Әбдуәлиев 1950 жылдары Сергей деген тракторшыға тіркемеші болады. Қасиетті кісі жатқан Датқасаздың айналасын оруға Севастьянов деген бастық нұсқау береді. Талап бастыққа да, тракторшыға бұл жерде қасиетті кісі жатқанын ескертеді. «Сендер қазақтар қайдағыны ойдан шығарасыңдар, шөп оруға кірісіңдер!» деп бастық айқайлайды. Амал жоқ шөп орып келе жатып, қасиетті кісі жатқан жерге жақындай бергенде, трактор да, тіркеме де аударылып, екеуі екі жаққа ұшып кетеді. Тракторшы Сергейдің аяқ-қолы сынып, Талап аздап жарақат алғанымен аман қалады. Осыларды көрген бастықтың есі шығып, сонан кейін бұл жердің шөбін шабуға тыйым салыпты. Баймолда Бүтінбаев 45 жыл ауыл мектебінде ұстаз болған кісі. Жастайынан сырқат екен. Қатты науқастанып қасиетті кісінің жатқан жеріне келіп түнеп, дертінен айығып кеткенін жиі-жиі еске алады.

Батырбек датқа 1795 жылы туылып 1885 жылы 90 жасында дүниеден озды. Тарихи тұлғаның ұл-қыздарынан тараған ұрпақтары қазақ елінің барлық өңірлерінде тұрып жатыр. Нұрмағамбет Елепаев,зейнеткер, ҚР еңбек сіңірген тіс дәрігері.
Батырбек датқа ел билеген кемеңгер, данышпандығымен қоса, қасиет дарыған әулие кісі. Ұлы ақын Абайдың әкесі Құнанбай, Кіші жүздің байлары Мырқы, Нұрпейістермен Меккеге қажылыққа бірге барып, сол жақта бірігіп қаражат шығарып қонақүй салғызған екен. Өзінің туған мекені Бөкейтаудың етегінде де (Жуалы ауданы, Күреңбел ауылы) зәулім мешіт-медресе салғызып, дін жолын уағыздаған. Сол мешіт-медресені, тағы басқа өзге елді мекендердегі датқа салдырған мешіттерді 1928 жылы коммунист басшылар бұздырып тастапты. Бірақ, осы жұмысты басқарған, қатысқандардың екі-үшеуі жынданып өлсе, қалғандарынан ұрпақ қалмай, дүниеден қор болып өтті деседі ел. Батырбек датқаның өзі сол мешіт-медресенің жанында жерленген. Бұрын мешіт пен күмбез орны бұзылғаннан бері ашық жататын. Осыған алаңдаған халықтың өтінішін 2012 жылы Жуалы ауданына әкім болып келген Б.Құлекеев жерге тастамады. Бес айдың көлемінде халықтан жиналған қаражатқа Батырбек датқаның күмбезін тұрғызып, аудан орталығында ескерткішін орнатты.

Қасиетті кісінің жатқан жеріне келіп түнеп, зиярат жасайтындар көп. Ұлы Отан соғысының ардагері Жұбай Байқонысов бірде басынан өткен бір әңгімесің айтып берген еді. «Соғыстан кейін үйленген болатынмын. Жұбайым екеуміз жұмыс істейміз, мен қаржы агентімін ауылда, әйелім колхозда қызылшашы. Үш баламыз тұрақтамай шетінеп кетті. Сөйтіп, қайғырып жүргенде, әйелім қасиетті кісі жатқан жерге жақын маңайда қызылша теріп жүріп, түс кезінде тынығып отырып, көзі ілініп кетеді. Сол кезде қасиетті кісі әйелімнің түсіне кіріп, «Шырағым, күйеуің екеуің мұңайып жүр екенсіңдер ғой, мынау қолымдағы сүйелді сүйші!» деп қолын ұсынады. Сол кезде әйелім қасиетті кісінің қолындағы сүйелін сүйіп тұрып, оянып кетеді. Содан кейін туған балаларымыз, яғни 8 ұл-қызымыз дін аман» деген еді немере-шөберелер көріп отырған майдангер ағамыз. Айта берсең мұндай оқиғалар көп. Еңбек ардагері Талап Әбдуәлиев 1950 жылдары Сергей деген тракторшыға тіркемеші болады. Қасиетті кісі жатқан Датқасаздың айналасын оруға Севастьянов деген бастық нұсқау береді. Талап бастыққа да, тракторшыға бұл жерде қасиетті кісі жатқанын ескертеді. «Сендер қазақтар қайдағыны ойдан шығарасыңдар, шөп оруға кірісіңдер!» деп бастық айқайлайды. Амал жоқ шөп орып келе жатып, қасиетті кісі жатқан жерге жақындай бергенде, трактор да, тіркеме де аударылып, екеуі екі жаққа ұшып кетеді. Тракторшы Сергейдің аяқ-қолы сынып, Талап аздап жарақат алғанымен аман қалады. Осыларды көрген бастықтың есі шығып, сонан кейін бұл жердің шөбін шабуға тыйым салыпты. Баймолда Бүтінбаев 45 жыл ауыл мектебінде ұстаз болған кісі. Жастайынан сырқат екен. Қатты науқастанып қасиетті кісінің жатқан жеріне келіп түнеп, дертінен айығып кеткенін жиі-жиі еске алады.

Батырбек датқа 1795 жылы туылып 1885 жылы 90 жасында дүниеден озды. Тарихи тұлғаның ұл-қыздарынан тараған ұрпақтары қазақ елінің барлық өңірлерінде тұрып жатыр.

KURENBEL.UCOZ.COM

Barys — Tue, 03 Dec 2013 13:03:17 GMT

Сәлем, достар! Осыдан бастап сіздердің құзырларыңызда kurenbel.ucoz.com сайты өзінің жұмысын бастады.Ендігі ос уақыттарда бізбен бірге болады деген ойдамын.Сендерсіз ештеңе болмайды деген ойдамын. Дегенмен, артымызда қалған үш жыл бізге үлкен сабақ болды. Ары қарай да біз өздерің үшін қызмет ете беретін боламыз. Ал, сендерден барынша белсенділікті күтеміз. Алдағы уақытта сайтта әркелкі конкурстар, акциялар өтеді деп осы уақыттан айтып қояйық. Сайтымыз бұдан бұлай да тек алға жылжи береді, өзіндік жоспарлары да жетерлік. Солардың бәрін бірге жүзеге асырып, үлкен белестерге жетеміз деп үміттенеміз. Себебі, сайттың бар байлығы, оның мақтанышы білмегенді білуге ұмтылған жастар - өздерің. Қол ұшын беруге талпынған қолданушыларымыз. Kurenbel.ucoz.com |Күреңбелдік алғашқы сайтымыз Қазақстандық сайт болсын: Құрметпен, Kurenbel.ucoz.com |сайтының әкімшілігі